تحذيرات قبل التداول

تحذيرات قبل التداول

التداول مش مجال سهل , و للأسف بيتم الترويج له علي انه مجال سهل بهدف التربح من المبتدئين

خصوصا الاشخاص اللي بيكونوا متحمسين جدا للبدئ و تحقيق الارباح 

بيتم خداعهم بكل سهوله و اقناعهم بانهم ممكن يحققوا كل احلامهم في المجال ده في فتره زمنيه قصيره

 

في المقاله دي احنا هنتكلم عن بعض التحذيرات اللي محتاج تاخد بالك و تقرأها كل يوم قبل ما تبدأ تداول

التحذير الأول

اياك ثم اياك تستلف او تداين بفلوس عشان تدخل بيها في عالم التداول 

المجال ده للناس اللي عايزه تكبر رأس مالها من غير ما يكونوا مستنين منه اي شئ .. 

كسبت منه ؟؟ تمام نكبره .. خسرته ؟ مش مشكله بس المهم تتعلم من اخطائك 

 

التحذير الثاني

اوعي تخاطر برقم انت مش هتستحمل خسارته .. السوق مش هيرحمك و لا هيرجعلك فلوسك

 

التحذير الثالث

اوعي تعتمد علي المؤشرات , هتهلك وقتك و هتضيع منك فرص كثيره جدا .. و فلوس كتير طبعا

و اذا اردت استخدامها , استخدمها للتأكيد فقط

 

التحذير الرابع

 اوعي تدخل صفقاتك بشكل عشوائي بدون تحليل

لو اعتمدت علي الحظ بدون تحليل ,, انت كده بتلعب قمار مش بتتداول

 

 

 

التحذير الخامس 

اوعي تتغر في نفسك قدام السوق عشان بتكسب بقالك فتره 

 الغرور هيخليك تجاذف بمبلغ اكبر من امكانياتك و هتخسر فلوس اكتر

 

التحذير السادس

بلاش تركز علي سهم واحد او زوج عملات واحد

لأن تركيزك عليه هيخليك تتعود علي حركته هو فقط و بالتالي بعد فتره لما حركته تتغير 

هتلاقي نفسك بتخسر كل اللي كنت بتكسبه

 

التحذير السابع

لو منجحتش في تداول الفوركس , جرب تداول الاسهم 
جرب تداول العملات الرقميه , جرب تداول الخيارات الثنائية

المهم انك متستسلمش و تفضل مكمل 

 

التحذير الثامن 

بلاش تحاول تنتقم من السوق عشان تعوض خسارتك 

انسي خسارتك و تقبلها و بلاش تاخد الموضوع بشكل شخصي 

اتعلم من الخسارة و كمل نفس الاستراتيجيه الماليه المنظمة

 

التحذير التاسع

بلاش تفضل تدور علي مؤشرات خارقه و استراتيجيات ناجحه

كل الاستراتيجيات ناجحه و كل المؤشرات بتقوم بنفس الوظيفه

المهم انت تجرب كل ده علي الحساب التجريبي و تتأكد من فعاليتهم معاك 

و تستمر علي خطه واحده فقط في النهايه

 

التحذير العاشر

بلاش تبني احلام و اماني لمجرد انك بدأت تكسب 

المتداول الناجح لازم يكبر رأس ماله الاول و علي المدي البعيد شويه يبدأ يسحب من الارباح

 

شاهد بقيه المقالات و الفيديوهات عشان تكمل تعليم للتداول 
ابدأ الان و اعمل حساب علي افضل منصه تداول 
 
Share on facebook
Share on twitter
Share on pinterest
Share on email
Share on telegram
Share on twitter
Share on whatsapp

اعمل مشاركه للمقاله و فيد غيرك