المتداول الناجح

المتداول الناجح | الخطوات اللي لازم تتبعها عشان تكون متداول ناجح

المتداول الناجح

المتداول الناجح له صفات كتيره , و بسبب سهوله  خطوات البدئ في التداول و سهوله عمل حساب مع اي بروكر ( وسيط ) , ده بيخلي ناس كتير تفتكر ان التداول شئ سهل و ان بسهوله هتبقي متداول ناجح 
لكن للأسف عشان تكون متداول ناجح  في عالم التداول و تقدر تعمل ارباح كويسه علي المدي الطويل ده مش بالسهولة اللي انت متوقعها .

انواع المتداولين

في نوعين من المتداولين

النوع الاول هو المتداول اللي بيدخل صفقات في الاتجاهين الصاعد و الهابط وبيغير استراتيجيته في التداول كتير باختلاف حركه السوق و نوع الاصل اللي بيتداول عليه

النوع الثاني و هو المستثمر و ده الشخص اللي بيدخل صفقات مدتها طويله

اشهر المستثمرين اللي في العالم زي “وارن بافيت” بيقولوا ان الاستثمار الطويل هو اللي بيحقق المكاسب الكبيره

و بيقسموا رأس مالهم في اكتر من اتجاه , يعني ممكن تلت رأس المال استثمار في الاسهم و التلت في العملات الرقميه و هكذا ,, و الاحتفاظ بيها لمده 10 سنين او اكثر

و طبعا دي حاجه غير متوقعه من المتداول العادي انه يعملها

اغلب المتداولين المبتدئين فاكرين ان فيه استراتيجية ربح واحدة بيعملها المتداولين أصحاب الخبرة .

لكن الحقيقه ان مفيش استراتيجبة واحدة هتنجح بشكل مثالي بنسبة 100% طول الوقت .

وحتى لو كان فيه فعلا استراتيجيه ناجحه دايما ..  تخيل لو كالناس عرفوها و بيستخدموا نفس الاستراتيجية,

هل دي فكرة كويسة ؟ أكيد لأ .

استراتيجية التداول

ايه هي الاستراتيجيه اللي هستخدمها في التداول ؟

كل متداول هيجاوب على السؤال ده بنفسه . دي حاجة بتشكل شخصيتك ده غيرالاسلوب اللي انت بتداول   والخبرة اللي بتكتسبها أثناء التداول ، 

بعض المتداولين بيعتمدوا على التحليل الأساسي . وناس تانية  بيعتمدوا على التحليل الفني

ولو كل واحد بيستخدم استراتيجية التاني مفيش حد منهم هيكون متداول ناجح

اختيار أفضل استراتيجية بيعتمد على الأدوات اللي انت عاوز تتداول بيها . بمعنى ان تداول الأسهم غير العملات

والمؤشرات أو العملات الرقمية ، كل تداول وله طريقته ده غير اختلاف الترند على المدى الطويل أو القصير.

انت الوحيد المسئول عن انك تلاقي الاستراتيجية اللي تناسبك ووقتها هتبقى متداول ناجح .

 ادارة رأس المال

لما بتوصل لمرحلة انك عرفت ااستراتيجية اللي هتشتغل بيها  بتبدأ تنتقل لتاني خطوة وهي إدارة المخاطر و ادارة رأس المال ، وده أهم عامل  في التداول

الاستراتيجية  مهمة بس مش كافية عشان تحولك من مبتدئ لمتداول ناجح.

من غير اداره لرأس المال مناسبة ممكن تكسب صفقة او اتنين ولكن آخر اليوم هتلاقي نفسك بتخسر فلوس . وبالتالي

إدارة المخاطر حاجة مهمة جدا في التداول مع شوية من الانضباط النفسي عشان تسيطر ع القرارات السريعه.

 

المرونة

عشان مفيش اتجاه واحد بيفضل عليه السوق وبالتالي لازم تكون قادر تتكيف قدر الإمكان

ومش معنى ان صفقاتك خلال الفتره اللي فاتت كانت صاعده انك متبدأش تاخد صفقات هابطه لما تشوف السوق اتجاهه بيعكس

طالما عندك القدرة على تغيير رأيك وعدم الثبات على استراتيجية واحدة او اتجاه واحد ،

فتأكد ان دي ميزة بيتباهى بيها المتداول الناجح

 
شاهد بقيه المقالات و الفيديوهات عشان تكمل تعليم للتداول 
ابدأ الان و اعمل حساب علي افضل منصه تداول 
Share on facebook
Share on twitter
Share on pinterest
Share on email
Share on telegram
Share on twitter
Share on whatsapp

اعمل مشاركه للمقاله و فيد غيرك