عالم التداول

عالم التداول | معلومات مهمه جدا لازم تعرفها قبل ما تدخل عالم التداول

 عالم التداول 

عالم التداول هو عالم للأغنياء و الأذكياء

المجال ده اتعمل عشان يخلي الناس كلها تخسر , و مهما قرأت من مواضيع و من نصائح و من كتب هتكون النتيجه كالتالي

معظم المتداولين بيخسروا

قليل جدا من المتداولين بيكسبوا

اللي بيخسروا مش بسبب انهم جاهلين بالعكس اغلبهم متعلمين كويس
  الخساير مش بسبب عدم القدره علي التحليل الفني
السبب الأساسي هو عدم قدرتهم علي التحكم في مشاعرهم و السيطره علي عواطفهم اثناء التداول

اللي بيخسروا في المجال ده هتلاقي كل صفقاتهم الرابحه بمبالغ كبيره و صفقه واحده
خاسره بمبلغ اكبر من كل الارباح

اللي بيكسبوا فعلا في المجال ده هتلاقي صفقاتهم كلها بنسبه ثابته و ارباح ثابته و
حتي الخسائر بقيمه ثابته
من كل 10 صفقات هتلاقي علي الاقل 7 صفقات رابحه و 3 خسائر و لكن كل قيمهم ثابته
و بالتالي هتكون معدل الصفقات الرابحه اعلي من الخسائر و بالتالي عمره ما هيكون
بيخسر

طيب ازاي ؟

  اداره المخاطر في عالم التداول

في عالم التداول عظم الناس سواء اللي معاهم رأس مال كبير او صغير بيدخلوا صفقات ب أكبر من 20% من
رأس مالهم !! في صفقه واحده !! في يوم واحد
و المشكله انه بيكون شايف ان ده طبيعي و عادي , رغم ان مفيش اي بيزنس في العالم
بيحقق 20% من رأس ماله في يوم واحد 
و لما بيخسروا بيشتكوا و يقولوا التداول نصب او حرام او اي كلام ملوش مبرر غير ان
ده شخص فاشل

عارف انك هتلاقي شخص بيعمل 10% او 20 % في اليوم من رأس ماله و هتلاقيه بيحاول
يوضحلك مكسبه بأكبر طريقه
صدقني الاشخاص دي اول ناس بتخسر و خسارتهم بتبقي اكبر من خساره اي حد تاني , لأنها
مبنيه علي الحظ ! يا اما اكسب يا اما اخسر كل شئ ! و ده مش تداول , ده كده قمار !
طيب اي الحل !؟؟

الحل انك تتعلم
لازم تتعلم اساسيات التداول بشكل كويس و التحليل الفني و الاهم من كل ده 
تتعلم ازاي تتحكم في مشاعرك , ازاي تعمل اداره رأس مال , ادارة المخاطر ,
اي هي افضل اوقات التداول و اي هي الاوقات اللي ممنوع اتداول فيها ؟
امتي افتح صفقات تانيه ؟ و امتي اوقف تداول ؟
اشتغل بحساب تجريبي لمده قد ايه ؟؟ و امتي ابدأ بحساب حقيقي ؟؟

طيب بقيت بعمل ارباح ؟ هل انا كده اتعلمت ؟؟
اي مجال في العالم كله لازم تفضل تتعلم و تطور نفسك فيه و تطور ادائك فيه
حتي لو وصلت لمستوي احترافي ملوش مثيل , لازم تكمل و لازم تفضل تتعلم

و دي اهم ميزه في المتداول الناجح

لو لسه جديد في مجال التداول او بدأت من قريب انصحك توقف حالا و تتعلم الاول قبل
ما تخسر فلوسك كلها

 
شاهد بقيه المقالات و الفيديوهات عشان تكمل تعليم للتداول 
ابدأ الان و اعمل حساب علي افضل منصه تداول 
Share on facebook
Share on twitter
Share on pinterest
Share on email
Share on telegram
Share on twitter
Share on whatsapp

اعمل مشاركه للمقاله و فيد غيرك